http://www.mglclub.com/data/index.php–ээс эх хувийг нь авав.
Яг юунаас эхэлснийг мэдэхгүй ч манай монголчууд жалга довоороо хэрэлддэг байснаа, аймаг сум, нутаг нуга, яс гарлаар ялгаран хэрэлдэх болж дараа нь эр эмээрээ ялгарч байх шив дээ. Энэнд сэтгүүлчид ч чамгүй их нэмэр болж хоорондын хэрүүлийн зуучын үүргийг сайн гүйцэтгэж байснаа одоо төрөл бүрийн сайтын форум, хэлэлцүүлгийн булангууд энэ үүргийг гүйцэтгэх болсон байна.Сүүл сүүлдээ энэ ажилдаа бүр мэргэшиж, шинжлэх ухаанч байр суурьнаас хандах болжээ.
Одоо больцгоое оо. Яахав эр эм алинд нь ч, үндэстэн ястан хэнд нь ч, тэгээд нийгмийн зүтгэлтэн, од, урлаг, спортын хэн нь ч байлаа гэсэн алдаж онож, задарч завхарч яваа хэсэг бүлэг аль ч нийгмийн үед байдгаараа л байна, сайн сайхны төлөө тэмүүлж яваа нь ч байж л байгаа. Ой мод урт богино, олон хүн сайн муу гэдэг биз дээ. Тэгэхээр бүгдээрээ өөрсдөөсөө эхлээд гэгээлгээр сэтгэж, нэгэндээ сайн сайхныг хүсч, тус болдоггүй юм аа гэхэд ус болохгүй явцгаая, тэгээд эвтэй байцгаая.
Бодоод байхад манай монголчуудыг ингэж хагалгах бутаргах ажиллагаа цаанаасаа явуулгатай байхаа. Нутаг нугаас нь эхлээд төр засгийн өндөрлөгүүдийг хооронд нь үймүүлж, хээл хахуульд автуулан дараа нь ард түмний хүндэтгэлийг хүлээсэн хүмүүсийг зориудаар нэр төрийг нь гутааж, бидний бахархан дуурайх зүйлийг үгүй хийж байх шиг байна. Тэгээд сонин сэтгүүлээр манай хамаг л үнэт цэнэтэй нийгмийн нандин сэтгэлгээг үгүй хийж эр эмээр нь задлан бутаргаж байх шиг байна.
Тэгж эх орноо элгэн саднаа ард түмнээ гэх бахархлыг нь үгүй хийж орхиод талын нэгээр цөлж дараа нь манай орныг эзлэх гэсэн хятадын бодлого байх.Шар сонинуудын гол хийж байгаа ажил бол ерөөсөө тэр шүү дээ.
Хэн сайн явна тэрийг элдвээр хэлж тэр хүний ажил амьдарлыг ч алдуулж нийгмийн сэтгэлгээг ч эвдээд.Бодоод үз л дээ. Дөнгөж 18-20 хүрч яваа охидыг одоо бүгдийг нь янхан мэт ойлголт төрүүлчихээд байна. Гэтэл энэ нас чинь тэгж хүнийг ашиглах арга хэлбэр эзэмшичихдэг нас мөн үү, энэ охидууд зан чанар нь төлөвшсөн байгаа юу, алдаа оноогоо таних насанд хүрсэн үү гэх мэтийг бодоод үз.Бүгд тийм мэт сэтгэгдэл нийгэмд тогтчихоор бусад нь гэсэн ингэж л явах ёстой юм ойлгоод алдаад байна.
Мөн хүмүүсийн хэрэглээг хэт өндөр байлгах шаардлагыг хэвлэл мэдээллээр өгөхөөр мөнгөгүй хэд нь бусдын хэрэглэдгийг хэрэглэхийн тулд юу ч хийхээс буцахгүй болж энэ нь цаашид харамсаад барахгүй алдаа хийхэд хүргэж байгаа ш дээ .
Өөр нэг тод жишээ бол хэн нэр алдарт хүрнэ тэр заавал янз бүрийн хэл аманд орно. Тэгээд тэдний ааш энэ хэл амнаас болж эвдэрч байгаа жишээ зөндөө байна.
Нуршсан бол уучлаарай, одоо цөмөөрөө өөр өнцгөөс бусдыгаа өөлөхдөө биш яагаад энэ хүн юун дээр алдчихав гэдгийг нь харж, алдсан нэг найз нөхөрөө татаж авч, бие биенээ түшцгээе ээ.
Эвтэй байцгаая.
Тэгээд энэ сэдвээр ярилцая, яавал дээр вэ, бид яах ёстой вэ, саналаа бичицгээгээрэй
Хүндэтгэн ёслов.
