Нэр нь мартагдах шахсан багын найзаас маань мэйл ирдэгийн байна хө . Эхлээд хэн болохыг нь ер санадаггүй , дүр төрх нь бүдэг бадаг тэгсэн харин ээ бид 2–нийлсэн л бол гэрээ мартсан Гэсэр шиг л гадаа гарсан л бол хоол ундаа умартан тоглож наадаад ийш тйишээ тэнээд явчихдаг нөгөө өтгөн хар бөгсөө өнгөрсөн үстэй найз минь харин энд тэндэх найзуудаас хаяг энэ тэрийг минь сурагласаар ашгүй олж захиа бичиж. Удаан хугацаанд уулзалдаагүй болохоор сонин хачин гэж авдар авдараар тэгээд яаж зүгээр яриад өнгөрөхөв гээд багын дурсамжуудаасаа нэгээхэн хэсгийг нь ч болов блогтоо бичихээр үзэг цаас нийлүүлэн сууваа .
Хүүхэд юм хойно томоогүй зүйлүүд их хийнэ нэг өдөр найзуудтайгаа хормой сөхөлтийн баяр гэж эмээ, эгч, хамаатан саданыхаа эгч нар бүр болоогүй танихгүй эгч нарын палаж, юбка –ыг сөхөөд зугатана баригдвал нэг сайн алгадуудна заримдаа сандал өргүүлж зогсоолгоно шийтгэл нь ч янз янз ааштай хүний палажийг сөхсөн бол хүнд шийтгэл өгөөд мань хэд нь нусаа хацартаа наагаад 75–аар бууж өгөөд баларч байгаан юм. Би нээрээ гадаа гарсан бол тоглоомондоо улайраад гэртээ орно гэж байхгүй эмээ полконоор хоолойгоо сөөтөл хоолоо ид гээд дуудаад л би одоохон одоохон гээд л хэдэн цаг болчихно тэгээд эмээ уурлан гарч ирэн намайг чихдээд дагуулж ордог байж билээ .
Бас тэгээд болоогүй найзтайгаа 2–уулаа парк яван тоглож байгаад цаашаа дампуурч явж байгаад төөрөөд алингаа алдаж уйлаад байж байхад сэргийлэгч ах тааралдаад хүргэж өгсөн юмдаг тэрнээс гадна би багадаа ногоонд их дургүй байж билээ ер нь хүүхдүүд багадаа ногоонд дургүй байдаг шүү дээ тэрний л нэгэн адил тэгтэл харин нэг өдөр эмээ миний дургүй ногоотой шөл хийчихэж тэгэхээр нь яахав дуртай дургүй аягатай хоолоо бариад жижиг өрөөндөө ороод хаалгаа тас хааж байгаад цонхоороо асгачихваа тэгсэн хэрэг бишдэв гай болж нөгөө асгах үед доор явж байсан өвөөгийн толгой дээр таарчихсан нөгөө өвөө уурлан давхиж орж ирээд хүмүүжилгүй хүүхэд энэ тэр гээд орилж гарч байна эцэст яахав би гэдэг нэг сайхан 5–салаа боов амсаж харанхуй өрөөнд цаг гаран цоожлуулж хашраагдаж билээ.
Нээрээ нөгөө улайраад тоглоод байдаг тоглоомнуудаасаа бичье байз чартаадах энэ тоглоом нь газарт шохойгоор 10–хүртэл дөрвөлжин зураад тэгээд гутлын тосны бөөрөнхий хайрцаг эсвэл тосны хайрцаг бөөрөнхий л байвал түүн дотроо элс хийгээд тэгээд л шидээд гутлаараа өшиглөж өгнө дөө чартаанаас болж олон ч гутал цоорулсан даа тэгээд бас бөөрөө бөөрөө доргитол их эрзээндэнэ, дээсдэнэ хүзүүгээ татсан эрзээнд үсрээд л тэрүүхэндээ их л мундаг мөн байшингйин шохой унатал бөмбөг цохиж самралт, тосолт, солгой гарын , алгаа ташилт гээд л олон олон хөдөлгөөнтэй тоглоом тэгээд болоогүй зоосон мөнгийг сүлдийг нь элэгдтэл чулуугаар цохиж мөрийтэй тоглоно мөрийнд нь баяр энэ тэрээр цуглуулсан мөстэй чихэр , баавгайтай чихэр гээд их нандин нандин юмнууд бооцоондоо тавинаа хэ хэ тэгээд харанхуй болохоор тойрч суугаад л аймшгийн юм ярина эсвэл бовко шовко гээд онигоонууд ярьж өгнө шүү дээ үнэхээр хөгжилтэй бодох санах ч юм байхгүй сайхан тоглоод л, наадаад л, инээгээд л хөөрөн баясаад л ай гэнэн хонгор хүүхэд насаа гэж….
Хэрвээ хүүхэд насанд хүргэж өгдөг галт тэрэг байдаг бол гөө мөн сайхнаа .
to be continued…
